ब्यालेस्टिक मिसाइल प्रक्षेपण

भदौ –०७

उत्तर कोरियाले दुईओटा सानो दूरीका ‘ब्यालेस्टिक मिसाइल’ प्रक्षेपण गरेको छ ।

दक्षिण कोरियाको सेनाले स्थानीय समयअनुसार शनिबार बिहान दक्षिण हामयोङ प्रान्तको पूर्वी सहर सोन्दोकबाट मिसाइल परीक्षण गरिएको जनाएको छ । मिसाइल ३८० किलोमिटरसम्म उडेपछि ‘सी अफ जापान’मा खसेको बताइएको छ । जापानका रक्षामन्त्री ताकेशी वायाले मिसाइल जापानी जल क्षेत्रमा खसेको पुष्टि गर्दै यसबाट संयुक्त राष्ट्रसंघको प्रस्तावनाको स्पस्ट उल्लंघन भएको प्रतिक्रिया दिएका छन् । अमेरिकासँगको वार्तापछि १७ महिनासम्म स्थगित गरेको मिसाइल प्रक्षेपणलाई गत जुलाईको अन्त्यबाट भने उत्तर कोरियाले फेरि सुरु गरेको हो । त्यसयता उत्तरले सातओटा परीक्षण गरिसकेको छ ।प्योङयाङले अमेरिका–दक्षिण कोरियाको संयुक्त सैन्य अभ्यासप्रति लगातार आक्रोश व्यक्त गर्दै आएको छ ।